موقع أحلى أصحاب
 
الرئيسيةالرئيسيةاليوميةمكتبة الصورس .و .جبحـثالتسجيلدخول

شاطر | 
 

 جمل دائما يقولها الشباب الخايب......... الخايب بس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
basma_te

avatar

عدد الرسائل : 157
تاريخ التسجيل : 15/02/2009

مُساهمةموضوع: جمل دائما يقولها الشباب الخايب......... الخايب بس   الأحد مارس 08, 2009 3:18 pm

أنا ليا شخصيتي المستقلة


أول ما الولد يبدأ شنبه ينبت وصوته يتخن شوية، تسمع منه جملة "أنا ليا شخصيتي المستقلة" "أنا حر" "أنا مش صغير" وده عشان يبرر أفعاله السلبية زى التأخير ليلا أو مصاحبة أصدقاء السوء أو الرغي الكتير في التليفون، وبرده تلاقيه يقول هذه الجملة لشريكته حين تعاتبه على كلامه مع البنات أو مصاريفه الكثيرة.

ولكن تعالى بقى وشوف نفس الولد وهو يسمع من صديقته جملة "أنا حرة .. أنا ليا شخصيتي المستقلة" هنا هتلاقيه صاروخ يقولها العادات والتقاليد وأن للحرية حدود وأن الشخصية المستقلة مش معناها الاستهتار، ده كمان ممكن يصرخ في وشها وينسى دفاعه عن الشخصية المستقلة بعد ما كان بيدافع عنها من شوية



عايز أخطب


من أول سنة تانية كلية يبدأ مخ الولد في التفكير في الخطوبة، ويبدأ يلمح لوالدته ثم والده، ويحكي كتير عن أصحابه اللى خطبوا ليجس نبض الأسرة، وبعد سنة أو اتنين يبدأ يزن على أهله "عايز أخطب عايز اخطب" ولا يقتنع بكلامهم اللى يقول "الدنيا مش جواز وبس" "العمل أهم شيء في هذه المرحلة".

أما إذا سمع الولد من صديقته جمله "عايزة اتخطب عايزة اتخطب تعالى بسرعة كلم بابا" تلاقيه يتضايق طبعا من الكلام ده لأن ما بيده حيلة، فيقولها "الدنيا مش جواز وبس" "العمل أهم شيء في هذه المرحلة".




أنا ماشي على الموضة


حينما تقول الوالدة لابنها "يابني مش تسرح شعرك إللي زي الكنافة ده" أو " تعالى أخيطلك البنطلون علشان مقطع من الرجل" تلاقى الولد يبصلها بصة شاب كوول طحن ويقولها أنا ماشي على الموضة يا ماما، انتِ مش عارفة حاجة، كل الناس زيي كدة.

ولكن حين تقول له شريكته هذا الكلام لتبرر اختيارها للملابس السيكو سيكو وإللي مبينة كل حاجة، تلاقيه يرفض هذا المبدأ ويقولها لا وألف لا.




كبر دماغك


كل واحد يقولك "يا عم كبر دماغك" "يا سيدي كاف دال" – يعني كبر دماغك برضه- ، وهذه الجملة تدل على الاستهتار واللامبالاة والتنفيض للموضوع.

انما لما تقول البنت هذه الجملة لشريكها، فهو يثور في وجهها، ازاى تقوله "كبر الجمجمة" ده بيقول كلام مفيد وحاجات مصيرية.


الشيشة حرية شخصية

عدد الناس إللي بتشرب شيشة أكثر من عدد إللي معاهم بطايق شخصية، وكل شاب يبرر هذه الفعلة بأنه يقول "محدش ليه عندي حاجة .. دي حرية شخصية"، أما شريكته فلو قالتله هذه الجملة يبقى ليلتها زرقا عليها وعلى امها، الشيشة ساعتها هتكون "بيئة وسلوك منحرف ومنظر مش كويس"

lol! lol! lol! lol! lol! lol! lol! lol! lol! lol!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جمل دائما يقولها الشباب الخايب......... الخايب بس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصحابنا :: المنتديات العامة :: روشنة-
انتقل الى: